Desenvolvemento de apps · Android e iOS

Apps á medida: da idea á tenda, publicada e funcionando

Desenvolvemos aplicacións móbiles co seu backend, publicámolas en Google Play e App Store e quedamos a mantelas. Orzamento pechado por fases, para que saibas o que custa antes de empezar.

Contarnos a túa idea Ver como traballamos

Onde se atascan os proxectos de app

Casi ninguén fracasa programando. Os proxectos de apps á medida atascanse nas tres cousas que ninguén orza ao principio e que aparecen todas xuntas ao final.

Que desenvolvemos

Desenvolvemos apps á medida cun propósito claro e un usuario concreto, en calquera sector. Non facemos «a app de todo», e non fai falta que teñas unha tenda online para que teña sentido.

Apps propias nas tendas, non só proxectos de cliente

O máis doado neste sector é prometer. Nós desenvolvemos e publicamos apps propias, co seu modelo de negocio dentro, e iso cambia a conversa: cando falamos da revisión de Google e Apple, de subscricións ou de publicidade, falamos de algo polo que pasamos nós, non do que se le na documentación.

• Apps Android con render propio en OpenGL
• Backends en Laravel con panel de operacións
• Procesado de imaxes automatizado
• Subscrición con Play Billing
• Publicidade con recompensa
• Verificación da compra en servidor
• Paquetes asinados e publicados
• Tarefas programadas e copias

Isto significa que cando che digamos que un permiso che vai dar problemas na revisión, ou que unha subscrición hai que verificala no servidor e non no móbil, non é unha opinión: é algo que xa nos pasou e que xa resolvemos. É a diferenza entre un equipo que programa e un que ademais publica e mantén.

Como traballamos: catro fases, e de cada unha saes con algo

1. Definición · 1-2 semanas

   Que fai a app, para quen e que NON vai facer na primeira versión. Sae un documento coas pantallas, o alcance pechado e o orzamento en firme. Este documento é teu aínda que non sigas con nós.

2. Primeira versión · 6-12 semanas

   A app funcionando co imprescindible, máis o seu backend. Próbala ti no teu propio móbil antes de que exista en ningunha tenda.

3. Publicación · 2-3 semanas

   Contas de desenvolvedor ao teu nome, fichas de tenda, capturas, política de privacidade, declaracións de datos e as roldas de revisión ata que estea aprobada.

4. Despois

   Correccións, subidas de versión cando Android ou iOS o esixan e as funcións que decidas engadir. Con plan mensual ou por proxecto, como prefiras.

Para quen é?

As apps á medida saen a conta cando resolven algo que a web non pode. Se o teu caso se resolve cunha web ben feita, dirémoscho: sae máis barato e mantense mellor.

O que adoita haber detrás da app

Casi ningunha app vive soa. A parte que non se ve é a que decide se o proxecto sae adiante ou queda nunha demo bonita. Se tes tenda online conectámola, e se non a tes tampouco pasa nada: a maioría das apps que facemos non venden produtos.

Se xa tes servidor e API propios, mellor: a app conéctase ao que hai e o orzamento baixa. Mirámolo na fase de definición.

Que entra e que non

Vai por escrito antes de empezar, igual que o orzamento.

Prezo, forma de pagamento e mantemento

O prezo depende de cantas pantallas ten, de se precisa backend novo ou se conecta a un teu, e de se leva cobros dentro. Por iso poñemos «desde»: preferimos darche unha cifra firme despois da fase de definición a inventala antes de saber que queres.

E convén contar o custo completo desde o principio, non só o do desenvolvemento: ao investimento inicial hai que sumarlle as cotas de desenvolvedor de Google (25 € unha vez) e Apple (99 € ao ano), o servidor, e o mantemento do que falamos xusto abaixo. Preferimos que o saibas agora a que che sorprenda no mes trece.

• Orzamento pechado, sen horas abertas
• Pagamento por fases, non todo por adiantado
• O código e as contas son teus
• Se non vemos o proxecto, dímoscho

E despois: o mantemento

As apps á medida non se entregan e se esquecen. Google e Apple soben cada ano o nivel mínimo que aceptan, e unha app que non sobe de versión deixa de poder actualizarse nas tendas ata desaparecer delas. Convén saber a que te comprometes antes de empezar, non ao final:

Os 30 días de correccións tras publicar van incluídos no proxecto, con plan ou sen el. O plan mensual comeza cando rematan.

Preguntas frecuentes

Android e iOS ou só un?

Os dous, cunha soa base de código. Se o teu público está claramente nunha plataforma, empezar por unha e engadir a outra despois é máis barato e déixache lanzar antes. Decidímolo na fase de definición cos teus datos, non por defecto.

Canto tarda?

Entre dous e catro meses ata tela publicada, contando as roldas de revisión das tendas, que non dependen de nós. A fase de definición son unha ou dúas semanas e é a que máis condiciona o prazo real.

De quen é a app cando remata?

Túa: o código, as contas de desenvolvedor e os datos. Sen ataduras. Se mañá queres que a leve outro equipo, entrégaslla e xa está.

Podedes conectala coa miña tenda ou o meu ERP?

É do que máis facemos. Levamos anos sincronizando WooCommerce e PrestaShop con ERPs e provedores, así que a parte de integración é terreo coñecido.

E se a miña idea non precisa unha app?

Dirémoscho na primeira resposta. Moitas ideas resólvense mellor cunha web ben feita: custa menos, mantense máis barata e non depende de que dúas empresas che aproben cada actualización.

Canto custa manter a app unha vez publicada?

Desde 190 € ao mes con plan, que cobre as subidas de versión obrigatorias, os erros, a vixilancia do backend e as fichas de tenda. Sen plan, cada intervención orzámase á parte: sae máis barato o primeiro ano e bastante máis caro a partir do segundo, porque as subidas obrigatorias chegan igual. Os 30 días posteriores á publicación van incluídos no proxecto en calquera caso.

Que pasa cando Android ou Apple cambian os requisitos?

Cada ano soben o nivel mínimo e hai que subir unha versión nova ou a app deixa de poder actualizarse. Iso entra no plan de mantemento; sen plan, orzámase cando toque.

Cóntanos a túa idea

Se estás valorando unhas apps á medida para o teu negocio, non fai falta que traias a idea pechada. Con que nos digas que problema queres resolver e para quen, dámosche unha primeira valoración de se ten sentido facer unha app e de por onde iría o orzamento.