Informe de balde da túa tenda WooCommerce
Informe de balde da túa tenda WooCommerce
Escribe o enderezo da túa web e dicímosche que lle falta para vender máis e saír mellor en Google, coa proba de cada cousa. Tarda menos dun minuto.
- De balde
- Sen usuario nin contrasinal
- 34 comprobacións
- Cada fallo coa súa proba
Que miramos na túa tenda
Se a web é unha tenda WooCommerce, 34 comprobacións. Se non o é, un informe máis curto co que se pode mirar en calquera web.
O que axuda a vender
- Recensións con estrelas
- Comprar sen crear conta
- Oferta na páxina de pagamento
- Packs e vendas cruzadas
- Variacións con mostras
- Buscador
Google e as redes
- Datos estruturados do produto e da marca
- Negocio e migas de pan para Google
- SEO da ficha e das categorías
- Que Google poida ler a web
- Enderezos que non existen
- Portada e ficha ao compartilas
- Blog
Obrigas
- Aviso legal, privacidade e condicións
- Rastrexo antes de aceptar as cookies
- Prezo co IVE incluído
- Accesibilidade
- IVE para empresas da UE
- Seguridade dos produtos (GPSR)
- Verificación de idade
- Idiomas co seu propio enderezo
O técnico
- Versións de WordPress, WooCommerce e PHP
- Erros, usuarios e XML-RPC á vista
- Cabeceiras de seguridade
- Correo do dominio (SPF e DMARC)
- Velocidade, HTTPS e móbil
- Ligazóns e imaxes da portada
Como o facemos
- Escribes o enderezo
Sen rexistro e sen darnos acceso a nada: abonda co dominio.
- Lemos a túa web coma un visitante
Unhas dez páxinas, sen iniciar sesión, e probamos que respondan as ligazóns da portada. Nunha tenda metemos un produto no carriño para chegar ao pagamento; non enviamos ningún pedido nin enchemos ningún dato.
- Amosámosche o que vimos
Cada punto di que falta, por que importa e onde se ve na túa web, para que o comprobes ti.
- E como resolvelo
Co teu correo ves o informe completo: como se arranxa cada cousa e con que.
Sen estimacións de vendas nin comparacións con outras tendas: só o que se ve na túa dende fóra.
Preguntas frecuentes
Custa algo?
Non. O informe é de balde, tamén o completo.
Necesitades acceso á miña web?
Non. Só lemos o que ve calquera visitante, así que non fai falta ningún usuario nin contrasinal.
E se a miña web non é unha tenda WooCommerce?
Tamén funciona: sae un informe máis curto co que se pode comprobar en calquera web, como a velocidade, o HTTPS, o móbil, os textos legais ou que Google poida lela.
Canto tempo gardades o informe?
180 días, para que poidas volver a el coa súa ligazón. O informe non garda datos persoais; se nos deixas o teu correo para ver o completo, trátase como explica a nosa política de privacidade.
E se quero que o arranxedes vós?
Escríbenos dende a páxina de contacto coa ligazón do informe e dicímosche canto custa antes de comezar.
Prefires que o arranxemos nós?
Mándanos a ligazón do teu informe e dicímosche que fariamos e canto custa, antes de comezar.